Padayon ang pagnubo sang dengue cases sa Negros Occidental. Siudad sang La Carlota ang gin-report may pinaka madamo nga kaso sang dengue suno sa Provincial Health Office.
Sa Morbidity Week 43 ukon sa October 23 to 29 nga semana, 17 ang new dengue cases nga na report. Tuman nga mas manubo sa Morbidity Week 42 ukon sa October 16 to 22 nga semana, nga nag record sang 59 cases.
As of October 29, 29 ang dengue deaths. May isa ka bag-o nga na record nga dengue death. Humalin sang Enero suno sa PHO ang La Carlota City ang may pinaka madamo nga dengue cases nga na record – 392 cases.
Siudad sang Bacolod naman, humalin sang Enero ang may 890 ka kaso sang dengue. 13 diri ang napatay. Ang Barangay Granada kag Mansilingan ang gina kabig hot spot, ukon may increasing number of cases sa apat ka sunod-suno dnga semana ukon naka record sang death case.
Ang Barangay Mansilingan man ang may pinaka mataas nga na record nga kaso sang dengue suno sa CHO.
Padayon ang kampanya para sa matinlo nga palibot lakip na ang pagpahanumdom nga mag pakonsulta gilayon kun may flu like symptoms kag nagahilanat sang duha na ka adlaw.