Masobra sa 71 percent ang ginsaka sa kadamuon sang dengue cases sa Negros Occidental kun ipaanggid sa 2021 nga datus.
278 ang dengue cases sa probinsya as of April 23. Sa kasubong nga tion sang 2021, 162 cases ang ginreport.
Tatlo naman ang na record napatay bangud sang dengue sa 2022.
Suno sa Provincial Health Office, ang San Carlos City ang may pinaka madamo nga kaso nga na record karon, 32 cases.
Abiso sang PHO sa mga banwa kag siudad amo ang maid-id nga pag monitor sa mga lugar nga may clustering of cases ukon may masobra sa tatlo ka kaso nga na record sa apat ka sunod-sunod nga semana.
Wala pa man sa alert level ang kadamuon sang kaso sang dengue sa probinsya. Gina sulit sang PHO ang pahanumdom sa publiko nga mangin matinlo sa palibot labi na ang paglikaw sa mga stagnant nga tubig.