Nadugangan sang apat ang kaso sang cholera sa Negros Occidental. Siudad sang Talisay ang may pinaka madamo nga kaso nga na record.
Sa report sang Provincial Health Office as of November 4, nagdangat na sa 24 ang cholera cases, kun sa diin duha ang napatay. Sa bag-o nga datus, nadugangan sang tatlo ka bag-o nga kaso ang Talisay City kag may isa ka bag-o nga kaso ang EB Magalona.
Siudad sang Talisay ang may pinaka mataas nga na record nga kaso karon – napulo. Ang Silay City kag EB Magalona ang pareho nga may anum ka kaso kag isa ang napatay.
Tig isa naman ang siudad sang Victorias kag banwa sang Calatrava. Sang Lunes lamang nga pagsinapol sa health board ginpasar amo ang pag tukod sang Provincial Food and Drinking Water Quality Monitoring nga amo ang magabulig man sa mga LGU nga wala pa maka tukod sang amo nga komitiba.
Sa 31 ka mga banwa kag siudad 11 pa lamang ang may kasubong nga monitoring committee.