Sa video nga gin-post sang Indian Food Ramos Branch kuha sa cctv video ang madasig nga pagkuha sang cellphone sang baligyaan sang ginakabig masupog nga kawatan samtang masako nga nagapanghimos ang babaye nga empleyado.
Kun ikumparar ang ginasuksok nga jogging pants sang suspek halos pareho ini sa iya ginsuksok sang ginkawatan ang isa ka baligyaan sang cake sa atubang sang Bacolod City Government Center sang Agosto.
Suno kay Police Captain Francis Depasucat, commander sang Police Station 4, pangayaw ang amo nga suspek nga ila ginhingadlan nga si Alyas Mark.
Ginapat-od pa sang kapulisan kun bala si Alyas Mark man ang persona sa pagpangawat sang cellphone sa isa ka spa kag pagkuha man sang tip box sang mga empleyado sang isa ka cafe sa Bangga Ramos.
Napasaka na sang PNP ang kaso nga theft batuk sa suspek kag ginahulat na lamang nila ang warrant of arrest nga i-serbe batuk sa iya.