Agud mapabaskog pa gid ang operational capabilities sang kapulisan sa bilog nga Negros Island Region, sila ang nagpatigayon sang “Drone Flight and Operation” seminar.
May 20 ka mga PNP personnel gikan sa nagkalain-lain nga police units sa Bacolod City, Negros Occidental, Negros Oriental kag Siquijor ang nagtambong sa seminar.
Gintudluan ang mga kapulisan sang mga features sang drone.
Nag-practice man sila sa pag-gamit sang mga functions sang drone kaangay sa pag-takeoff, navigation, maneuvering, kag kun paano ini pahugpa-on.
Suno kay Police Col. Lito Patay, acting Deputy Regional Director for Operations, may critical role ang drone sa pagpabaskog sang operational capabilities sang PRO-NIR, ilabi na sa pag-responde sa mga time-sensitive nga sitwasyon.
Paagi sa paghatag sang real-time nga aerial surveillance kag situational awareness, nagapati ang PRO-NIR nga dako ang mabulig sang drones sa mga operating units agud ila gilayon nga ma-assess ang sitwasyon kag maka-deploy sang personnel.