Probinsya sang Negros Occidental ang pormal nga nag withdraw sa deal sini sa pag bakal sang duha ka ektariya sang duta nga gina panag-iyahan sang pamilya Nazareno sa Moises Padilla nga sa karon kabahin sa gina tindugan sang Central Philippine State University – Moises Padilla Campus.
Sa sulat ni Negros Occidental Governor Eugenio Jose Lacson sa kay Francisco Nazareno, Jr., nakasaad nga sandig sa rekomendasyon sang Provincial Legal Office kag pag patigayon sang comprehensive review pormal nga naga withdraw ang Negros Occidental sa deal sini sa kay Nazareno kag indi na madayon ang kuntani pagbakal sang duta.
Nakasaad bilang rason sa withdrawal amo ang kapaslawan sa bahin ni Nazareno sa pag comply sa legal kag documentary requirements, may yara man sang legal deficiency sa gin execute nga deed of sale, kag adversarial and uncooperative conduct.
Paathag sang probinsya, apesar sang maka pila ka beses nga pag follow-up sang probinsya para matigayon ang transaction wala sa gihapon maka submit sang required legal kag supporting documents si Nazareno rason nga may kabudlay sa pag giho sang bilog nga process.
Dugang pa sa sulat, may mga discrepancy sa gin declare nga Tax Identification Number ni Nazareno kag sa iya nga date of birth. Ang gin execute nga deed of sale wala sang written consent sang iya nga asawa, apesar nga legally married ini.
Na mutikan man sang probinsya nga ang overall conduct sang negotiation sa kay Nazareno nangin unproductive na.
Wala sang ginakabig sincere engagement sa iya nga bahin.
Naga balor sang 25 million pesos ang duta.
Suno kay Provincial Administrator Rayfrando Diaz pwede nga maga pangita ang probinsya sang lain na lamang nga duta.
“Legal na ya ang aton nga problem, which we cannot solve kun wala naga cooperate ang other side, pero ang kwarta ara na.
Na supplemental budget na na. 25 million pesos. (you can buy another property?) mas mayo pa guro, bag-o pa ang building, kag ang duta mas mabarato. Ga pasaka siya kuno. Gusto ya lain naman tapos indi
naman siya mag baligya, gin hambalan ya ang mga lawyers ta nga naga directly deal with them”, suno kay Diaz.
Gina bawi sang pamilya Nazareno ang duta gikan sa CPSU matapos nga nag end ang deed of usufruct nga nalagdaan sini.