Kay nagapabilin ang Negros Occidental sa idalom sang general community quarantine sa Hulyo 16 tubtob 31, base sa rekomendasyon sang national IATF, indi na kinahanglan pa nga mag pa gwa sang executive order si Negros Occidental Governor Eugenio Jose Lacson para diri.
Suno kay Provincial Administrator Rayfrando Diaz naga pabilin ang executive order sang gobernador tubtob sa katapusan sang bulan.
Pero kun mapaidalom gid man sa modified enhanced community quarantine ang Bacolod City, may epekto ini sa gihapon sa kapitolyo probinsyal ilabi na nga ang talatapan yara sa siudad sang Bacolod.
Una nga ginalantaw amo nga sa MECQ, may mga negosyo nga ipasira kag may yara ini sang economic setback suno kay Diaz. Ipaidalom man sa skeletal force ang mga talatapan sang gobyerno nga ginalantaw maga apekto sa mga approval kag pagpatuman sang mga proyekto bisan pa gani sa mga benepisyo kag sweldo sang empleyado.
Nagalaum si Diaz nga kuntani mangin parehos lang ang quarantine status sang probinsya kag bacolod bangud mas maayo ini sa tanan.
Nag-file na sang appeal ang Bacolod bahin sa MECQ recommendation sini.