Sa magarbo nga MassKarade Ball nagtipon ang pila lang sa mga kilala nga personalidad sa negosyo, pulitika kag showbiz sang Biyernes sang gab-i.
Ang tuigan nga charity event ang nakatipon sang malapit P1M nga pondo nga opisyal nga ginpalab-ot ni Mayor Albee Benitez sa GMA Foundation nga amo ang magapatigayon sang tikang para mapalab-ot ang bulig sa mga nahalitan sang Bagyo Kristine.
Ginpahayag ni Mayor Albee nga sa baylo nga maghiwat sang party sa pagsaulog sang MassKara Festival, isa ka fund-raising event ang napatigayon paagi sa MassKarade Ball agud makabulig sa mga nagakinahanglan.
Ginsiling man ni Bacolod Yuhum Chairman Jojie Dingcong nga ila nahangpan ang sitwasyon sang mga nahalitan sang bagyo.
Gani paagi sa charity event napabatyag sang Bacolodnon ang pagka pag-on nga sa pihak man sang ginapangatubang nga pagtilaw natigayon gihapon nga nakapalab-ot sang bulig para sa mga naapektuhan sang kalamidad.