Sa video nga kuha ni Julia Arjillo makita nga gina tabangan ang pila ka mga dancers sa dalan samtang naga padayon ang parada. Gina dala pahigad kag gina pahuway ang nagkala lipungan nga dancers nga upod sa street dancing competition sa Pakol Festival sang Santa Catalina, Negros Oriental sang Miyerkules bilang pagsaulog sang kapistahan ni Santa Catalina de Alejandria .
Mga las dos sang hapon nag sugod ang parada kag nagdangat sa 41 tubtob 42 degrees celsius
ang temperatura sang amo nga adlaw.
Suno sa kay Guian Jeif Anqui ang Chief of Operations sang Municipal Disaster Risk Reduction and Management office sang banwa, wala masarangan sang dancers ang kainiton bisan pa nga gin palip-utan na sa isa ka kilometro ang ila nga rota.
Ang iban sa dancers naumpawan matapos mapa handungan samtang ang duha naman gindala sa ospital matapos mag dehydrate.
Magluwas sa dancers may mga naga lantaw man nga nagkala lipongan bangud sang init.
Gani plano sang LGU nga magpatuman sang bag-o nga guidelines kasubong sang pag idog sang activities sa oras nga wala na sang init.