Kape halin sa Hinoba-an ang nag top 1 sa PEMO Coffee competition nga ginpatigayon.
Winners man ang kape halin sa Murcia, Talisay kag Don Salvador Benedicto.
Sa 17 ka mga entries nga nagpasakop sa Negros Occidental Provincial Environment Management Office Coffee Competition, nagpangibabaw ang Fine Robusta nga kape ni Cherry Sarnate sang Damutan Agroforest Farmers Association.
May flavor ini sang tamarind candy, vanilla kag sweet white chocolate.
Top 2 naman ang Fine Robusta ni Rogelio Claridad Jr., sang Doong Coffee Integrated Farmers Association sang Barangay Buenavista sa banwa sang Murcia.
Top 3 ang Fine Robusta ni Johnny Percival sang Tambara Forest Settler Association sang Brgy. San Fernando sa Talisay City.
Kag Top 4 ang Fine Robusta ni Bene Cruzero sang Bagong Silang Farmers Association sang Brgy. Silang, Don Salvador Benedicto.
Ini ang pamaagi sang PEMO sa pagkilala sa pinangabudlayan sang mga coffee farmers sang Negros Occidental nga amat-amat na nga naga damo.
Ini ang ika duha na nga PEMO COFFEE COMPETITION.