10:29 Hwebes sang aga liwat nga nagbuga sang abo ang bulkan Kanlaon. Yara sa 200 meters ang kataason sang grayish nga abo kag aso gikan sa crater sang bulkan.
Pasado las sais kagab-i nagbuga man sang abo ang Kanlaon nga naglab-ot sa 500 meters ang kataason sang abo kag aso halin sa crater. Naglawig sang 38 minutos ang ash emission.
Base sa 24 oras nga monitoring sang PHIVOLCS sa Kanlaon, wala sang may na record nga pagtay-og sang bulkan, yara sa 1,698 toneladas ang kadamuon sang sulfur dioxide nga ginpagwa sang bulkan kag padayon nga may paghubag sa sulod sang bulkan pero may pagkupos ini sang makadali lang.
Nagapabilin sa gihapon ang Kanlaon sa Alert Level 2, ginadumilian ang pagsulod sa 4km permanent danger zone kag posibe ang hinali nga paglupok sang bulkan.
[sibwp_form id=1]