Liwat nga nag buga sang abo ang bulkan Kanlaon Miyerkules sang aga.
Sa record sang Philippine Institute of Volcanology and Seismology, ang grayish ash emission nagsugod 5:10 sang aga tubtob 5:30am.
600 meters ang kataason sang plume kag padulong sa northwest nga direction.
Na capture sa camera sang Phivolcs ang amo nga pagbuga sang abo.
Suno kay Ptolemy Mañego ang Science Research assistant sang PHIVOLCS sa Kanlaon Volcano Observatory sa La Carlota City kay duha pa man lang ka sunod-sunod nga adlaw ang pagbuga sang abo, indi pa man sila maka pat-od sang mga indikasyon sini.
Padayon pa man ang ila nga pag monitor sa iban nga mga parameters.
Wala sang may na record nga volcanic tremors.
Nagapabilin sa alert level 2 ang bulkan.
As of press time wala pa sang lugar nga naka report na apektuhan sang ash fall pero nag deploy na sang team para sa ash survey.
Sakop sang northwest nga area ang Don Salvador Benedicto kag Murcia.
“Hindi pa kami accurately or maka hambal gid nga may ara ano kay duha pa lang ka adlaw ang natabo. Pero kami diri naga monitor man sa other parameters within the following days bulubantayan gid siya namon”, suno kay Mañego.