Sa nagakaigo nga tion iga anunsyo sang Love Negros kag United Negros Alliance ang ila nga iga endorso para sa Philippine Councilors League.
Ini suno kay Negros Occidental Governor Eugenio Jose Lacson, nga nag pahayag nga ang coalition indi na luyag pa nga may mag engkwentrohanay para sa amo nga position. Ang ila nga desisyon suno kay Lacson ang ginkasugtan sang grupo.
Presidente karon sang PCL – Negros Occiddental si Silay City councilor Ryan Gamboa nga damlag pa nag pahayag na nga siya ang maga upod sa kun ano man ang mangin desisyon sang partido. Ginkumpirmar man damlag pa ni Lacson nga interesado mag papili si La Carlota City Councilor Juluis Martin Asistio para sa PCL – Negros Occidental.
Si Asistio ang anak ni Representative Juliet Marie Ferrer sang fourth district. Suno kay Gamboa sa Agosto 22 natalana ang PCL elections.
Samtang, gina paabot ang general assembly sang Love Negros kag United Negros Alliance sini nga Hulyo. Pero suno kay Lacson wala pa siya sang may nabaton nga imbistasyon bahin diri.