Sang Huwebes lang nagfile sang motion for reconsideration ang abugado ni Barangay Tangub Punong Barangay Noli Villarosa nga si Atty. Caesar Distrito sa Office of The Ombudsman for the Visayas.
Ini may kaangtanan sa ikaduha nga kaso sang simple misconduct ginpapanaugan sang dismissal order si Villarosa kag napamatbatan sang perpetual disqualification from holding public office kag iban pa.
Wala pa nabaton sang Department of the Interior and Local Government ang mandu halin sa central office sa Manila.
Gani magafile man bwas si Distrito sang motion to hold the execution in abeyance samtang wala pa mapamatuman ang dismissal order. Ini agud man magpabilin sa pwesto ang punong barangay samtang naga hulat sila sang resolution halin sa na-file nga motion for reconsideration batuk sa dismissal oders.
Si Villarosa ang nagpadulong man kaina kay Mayor Albee Benitez para maghinyo sang bulig. Siya kag si Kagawad Raymundo Pendon ang ginpasakaan sang kaso sang retired teacher makaligad nga na-demolish ang portion sang pader nga nasakpan sang ila private propery sang ginpatuman sadto ang clearing operation sang Agosto 2019.