Ginasabat na ni La Castellana Mayor Alme Rhummyla Nicor-Mangilimutan, ang mga akusasyon sang korapsyon batuk sa iya sang iya anay empleyado sang banwa nga si Elvin Dela Fuente.
Suno sa alkalde, sa karon wala pa siya sang may nabaton nga notice halin sa Ombudsman may kaangtanan sa mga reklamo batuk sa iya.
May mga alegasyon nga may mga ghost employees siya kag ang mga naga trabaho sa ila puluy-an, banwa ang naga pasweldo.
Ginklaro man sang alkalde nga wala ini sang kamatuoran kag handa siya nga sabton ini sa eksakto nga lugar.
Ginplano man sang kampo sang alkalde ang pagpasaka sang kaso batuk sa naga pang guba sa ila sang iya nga mga department heads.