Pormal na nga nagsumite sang counter affidavit ang kampo ni Senador Francis “Chiz” Escudero kaina sang aga sa Commission on Elections (COMELEC) angut sa isyu nga may donasyon nga P30 milyon nga nabaton ang iya nga kampanya sang 2022 halin sa isa ka contractor. Ang dokumento ang kabahin sang pagpaathag sang senador sang iya nga bahin.
Suno kay Atty. Ramon Esguerra, legal counsel ni Senador Escudero, temprano pa sila nag sumite sang counter affidavit bilang pagpapakita sang respeto sa proseso sang COMELEC kag para makapaathag.
“We’re filing our submission early to respect the COMELEC process. Our position is clear: the donation was legal, fully declared, and follows long-standing practice. The law is on our side, and we are confident the COMELEC will find no fault,” siling ni Esguerra.
Una na nga ginsiling sang kampo ni
Senador Escudero nga ang campaign donation ang ginhimo base sa layi kag regulasyon sang COMELEC. Ini ang gindeklara sa eksakto nga panahon kag iupod sa opisyal nga report sang kampanya base man sa prinsipyo sang transparency kag accountability.
Bukas kag handa ang kampo sang senador nga magbulig sa COMELEC para mapakita ang kamatuoran suno sa iya kampo. Ang pagsusumite sang counter affidavit ang isa sa mga proseso sa madasig kag patas nga paathag para indi na kinahanglanon pa maglab-ot sa punto nga may pormal nga kasuhay nga matabo.#