Site icon Digicast Negros

Kampanya sang Negros Occidental para magpabakuna ang publiko masgin pabaskog pa gid

YouTube player

Incentive para sa mga barangay nga maka haylo pa gid sang pagbakuna sang ila nga mga pumuluyo ang ginalantaw sang probinsya sa tinutuyo nga maduso pa gid ang demand para sa Covid-19 vaccine.

Suno kay provincial administrator Rayfrando Diaz, gina tun-an nanday Governor Eugenio Jose Lacson, Vice Governor Jeffrery Ferrer kag provincial consultant Albee Benitez ang paghatag sang incentive paagi sa mga projects sa mga barangay nga may maayo nga performance.

Wala labot diri ginpabaskog pa gid sang probinsya ang kampanya sa bakuna paagi sa information dissemination, kun sa diin mismo ang gobernador, sa media campaign sini ang naga agda sa publiko nga magbakuna.

Suno kay Diaz may mga talents man sa idalom ni Benitez kasubong nanday Bayani Agbayani kag Billy Crawford para sa amo man nga kampanya. Madamo sang bakuna karon suno kay Diaz.

Masobra sa 25 porsiento ang nalab-ot sang Negros Occidental sa target sini nga mabakunahan.

Exit mobile version
Skip to toolbar