Kampanya kontra sexual harassment ginapabaskog sa mga eskwelahan sa Bacolod.
Bawal ang bastos sa mga pampubliko nga lugar ilabi na sa mga eskwelahan sandig man sa Republic Act 11313 ukon ang Safe Spaces Act.
Ini ang luyag man ipasiguro sang pamunuan sang Colegio San Agustin Bacolod pinaagi sa ginapatigayon nga forum seminar upod sa katapo sang Commission on Human Rights.
Nagapati si Kristine Madrid, overall discipline officer sang kolehiyo nga paagi sa mga awareness campaign mas mapangapinan ilabi na ang mga kababayen-an nga estudyante batuk sa sexual harassment kag iban pa nga sahi sang abuso.
Dugang niya nga dapat matagaan atensyon ang pagpatuman sang penalidad kag leksyon sa mga nagasupak sang layi.
Nalakip na diri ang catcalling ukon pagpanihol sa mga kababayen-an, stalking, flashing of private parts kag iban pa nga sarang maka-offend sa kababayen an sa mga pampubliko nga lugar.
Ang kampanya kabahin sa ginapatigayon nga child protection program sang buluthuan.