Magluwas sa hugot nga pagbantay sa mga puerto kag airport, padayon man ang kampanya sang African Swine Fever Task Force sa publiko para mapamatukan ini.
Ang team sang Provincial Veterinary Office, bilang kabahin sang ila nga masupog nga information dissemination campaign ang nag pamutang sang tarpaulin sa mga puerto, coastal areas, mga checkpoint, provincial borders, public market, slaughterhouse, auction market kag sa mga nagkalain-lain nga mga municipal kag city hall nga naga abiso sang pagdumili sang pagsulod sang pork kag pork products gikan sa mga lugar nga may positibo kag suspected cases sang ASF.
Nalakip man diri ang pagpahibalo kun ano ang dapat nga buhaton para malikawan ini.
Sa October 15 to 21, 11:50 am nga report sang Provincial Veterinary Office, may 178,125 pesos nga balor sang pork kag pork meat products ang ayhan gin-confiscate ukon gin balik sa shipper angut sa pag patuman sang ASF Ordinance sang probinsya.