Matapos gin holdup ang isa ka cafe sa Brgy Bunga sa Don Salvador sang Miyerkules, isa naman ka kalan-an ang gin biktima sang kawatan kahapon sang kaagahon sa Barangay Igmayaan.
Naabtan na lang sang tag iya sang kalan-an nga gin guba na ang iya sini grills nga himo sang kahoy kag didto nag agi ang kawatan. Nakuha gikan sa drawer sang kalan-an ang 58,000 pesos nga cash.
Ginsiling naman ni Captain Eugene Tolentino, hepe sang DSB PNP nga lain nga persona ang nag sulod sa sini nga kalan-an kag lain man ang grupo nga nag hold up sa cafe sa Barangay Bunga.
Dugang pa ni Tolentino, ila na nakita sa CCTV ang apat ka mga suspek nga nag hold sa cashier kag customer sa cafe apang nabudlayan sila sa pag kilala sa mga suspek bangud indi klaro ang kuha sang CCTV.