Nagdagsa ang mga kalampay sa baybayon sang Purok Punta Cruz sa banwa sang Toboso.
Makita sa ginpakigbahin nga litrato ni Reynaldo Dela Noche nga madamo sa mga residente sang nasambit nga banwa ang nagapanguha sang kalampay apesar nga nagalain ang panahon.
Pila sa ila nagmansig dala sang balde kag kabo agud manakop sang kalampay sa baybay.
Para sa mga residente daku na nga bulig ang pagdagsa sang mga kalampay nga ila ginakabig nga grasya.
Iban sa ila ang namaligya man sang ila na-harvest.