Nasapwan sang mag-utod nga naga pangdakup sang pispis, ang kalabera sang tawo sa Hacienda Lourdes, Barangay San Jose sa banwa sang Binalbagan, Negros Occidental, Miyerkules sang gab-i, Mayo 11.
Maligwin, madamo sang hilamon kag kakahuyan ang lugar kun sa diin nakit-an ang kalabera, apang indi na kumpleto ang parte sini.
Yara lamang ang bagol kag tatlo ka mga tul-an, suno kay Police Major Jun Ray Batadlan, hepe sang Binalbagan Police Station.
Nagapangdakup sang wild birds malapit sa Binalbagan River ang mag-utod nga sanday Jomarie kag Joniemar Barte sang may nalapakan nga tul-an ang isa sa ila.
Ginsiling ni Batadlan, posible nga binulan na nga patay ang biktima, naanod sa suba ukon gintaban sang ido.
Wala naman sang may na-report nga missing sa lugar, dugang pa ni Batadlan.