Sini lamang ginporma sa Bacolod City ang Special Rescue Force.
Ini ang pwersa sang Bureau of Fire Protection nga maga tutok sa mga rescue operation sa ano man nga sahi sang emerhensya.
Ginturn over man sa Bacolod fire station ang mga kagamitan nga ginagamit para sa rescue operation kaag ini ang naga balor sang tunga sa milyon ka pesos.
Naka exhibit ini sa karon sa isa ka mall.
Suno SFO3 Antonio Escobido ang chief community relations section sang BFP Region 6, padayon ang ila nga kampanya sa komunidad sa fire safety kag agudto malikawan ang halit nga matuga sang sunog.
Sa datus sang BFP Region 6, pinaka damo nga na record nga sahi sang sunog ang electrical in nature.
Suno kay Escobido ini natungod nga sa adlaw adlaw nga gawi naga gamit sang kuryente kag ang mga gawi nga wala naga sunod sa fire safety protocol ang naga hatag sang risgo.
Ehemplo diri ang pag overload kag mga octopus connection.