Kakulang sang mga classroom sa mga eskwelahan nga gina gamit evacuation center sa banwa sang La Castellana isa sa daku nga pag panghangkat nga gina atubang karon sang Department of Education sa pagbukas sang klase.
Ang La Castellana Elementary School, Don Felix Robles Elementary School kag La Castellana National High School suno sa DepEd Negros Occidental sa karon ang padayon nga gina gamit bilang evacuation center.
Kun ibase sa pagsulundan suno kay Ian Arnold Arnaez ang spokesperson, 15 diyas lang dapat ang kalawigon sa pag gamit sang eskwelahan bilang evacuation center bangud katungdanan na sang LGU kun mag lawig pa diri, ang pag pangita sang lain nga lugar.
Pero, bangud sang humanitarian consideration kag pending man sang desisyon sang LGU sa iya sini nga relocation plan, mahimo nga laban nga ipatuman sang natungdan nga mga eskwelahan ang shifting, rason nga limitado ukon once a week lang ang meeting sa mga classroom kag maga gamit sang alternative mode of learning kaangay sang natabo sa nagtakop nga school year.
Paathag ni Arnaez, sa mga eskwelahan nga naga serbe nga evacuation center may mga classrooms pa man nga gina gamit para klasehan pero ini ang kulang gid.
Maka bulig man sadto ang mga canopy tents pero indi ini conducive sa pagtu-on ukon may kabudlayan.
Wala labot nga gamay, mainit, kag indi malikawan kun may pagtap-ok sang yab-ok.
Sang nagligad nga school year, may 8,923 ka learners ang na enrol sa tatlo ka mga eskwelahan.
Ginsiling ni Office of the Civil Defense NIR Director, Donato Sermeno, III, nga ang La Castellana ang may request nga 30 ka units sang canopy nga maga serbe nga alternative learning space.
“Nagligad, kag amo man gyapon ang matabo, may mga classrooms da sila ya nga gin-spare, for classes. However, ini nga mga classrooms indi siya enough to accommodate ang mga estudyante sang host school sang evacuation center mismo nga naga enroll da, kag ang mga evacuees nga mga halin sa iban nga eskwelahan. So indi nila ma accommodate tanan. So gin obra nila may shifting sila on the use of the classrooms. So that is the reason why in a week once a week lang per grade level naga meeting. All the rest distance learning or through modules which is not enough para ma sigurado ang learning sang bata”, suno kay Arnaez.