Sa pagbalik sang full face to face classes sa mga pampubliko nga eskwelahan, exams ang nag sugata sa mga estudyante sang Bacolod City National High School.
Sang nagligad nga semana kun tani ang exmas pero gin-postpone bangud sang Bagyo Paeng.
Subong nga may exams, makaigo ang mga estudyante kay tig beinte lang ka mga estudyante ang naga kuha sang exmas sa kada classroom pero kun magbalik na ang lecture sa classroom, gina paabot nga may kapin sa 2000 tanan ka mga pulungkuan ang kulang sa BCNHS.
Magluwas sa kakulang sang mga pulungkuan kag manunudlo sa pagbalik sang full face to face classes sa mga pampubliko nga eskwelahan, indi pa man fully operational ang mga canteen sa sulod sang mga buluthuan.
Gani nagapangabay si Gelangre nga amo man ang pamuno sang Bacolod City School Teachers Association, nga dapat pabalonan sang mga ginikanan ang ila mga kabataan sang tubig kag pagkaon agud makalikaw man sa balatian.
May 69 tanan ka mga public schools sa Bacolod ang nagpatuman sang full face to face classes.
Kalabanan sa mga public schools wala na nagapatuman sang online classes pero nagalaum ang grupo sang mga manunudlo nga kuntani matigayon ang plano ni Mayor Albee Benitez nga mapabutangan sang nga libre nga internet connection ang mga eskwelahan agud nga makabulig ini sa pagtuon sang mga estudyante.