Kahera sang City Treasurer’s Office nga gina alegar nag retoke sang resibo nag resign. Indi na magpasaka sang kaso administratibo ang City Legal Office sa kahera sang City Treasurer’s Office nga gin-alegar nag retoke sang resibo nga na issue sa rider nga na issuehan sang citation ticket sang BTAO.
Ini matapos nga nag-resign sa trabaho ang gin reklamo nga regular employee.
Ginpahayag ni City Legal Officer, Atty Romeo Carlos Ting, Jr., nga sang Biyernes gintugyan sang empleyada ang iya sini nga resignation letter kay City Treasurer Arlene Memoria.
Nagligad lang nga semana sang ginreklamo siya sang rider sa Isugid mo kay Mayor sang matalupangdan nga gin-ballpen niya lang ang gindugang nga number 1 sa P300 pesos nga printed receipt agud mag santo ini sa P1,300 nga ginbayaran sang traffic violator para sa no helmet kag drivers license.
Natukiban sang BTAO nga p300 lang ang nagsulod sa koleksyon sang City Treasurer’s Office gani gilayon nga nag issue sang memo ang City Treasurer batuk sa iya.
Ginsiling ni Mayor Albee Benitez nga bisan nag resign na ang empleyada gina consider nila ang pagpasaka sang kaso kriminal batuk sa iya.
Ang BTAO ang padayon nga nagapausisa sang pila pa ka mga manually issued reciept ukon gin-ballpen lang nga resibo nga gin issue sang ginreklamo nga kahera sa iban pa nga traffic violators.