Gintakos kun handa gid man bala ang mga DRRM personnel kag Health Emergency Response Team sang City Health Office sang Sagay City sa pag-responde sa mga real-life emergencies, paagi sa simulation exercise nga ginpatigayon sa Sagay City Plaza Biyernes sang aga.
May mga possible scenarios nga ginhimo kun sa diin kinahanglan respondehan sang mga rescue kag health personnel.
May yara sang nag-assess sang mga pilason, naghatag sang first aid, kag nag-transport sang mga pasyente.
Kabahin ang SIMEX sa apat ka adlaw nga Basic Life Support and Standard First Aid Training agud pasanyugon ang ikasarang kag kahandaan sang mga emergency responders sa tion sang mga kalamidad kaangay sang linog, sunog kag iban pa nga mga emerhensiya.