Nagdangat na sa P1.7 billion pesos ang kahalitan sang bagyo Tino sa Negros Occidental.
Isa ka coordination meeting ang gin patigayon nanday Governor Eugenio Jose Lacson kag DSWD Sec Rex Gatchalian sini nga Biyernes.
Ginsiling man sang gobernador nga ginapaabot bwas nga adlaw si Presidente Ferdinand Marcos Jr sa pag bisita sa mga apektado nga lugar sa probinsya kun itugot man lamang sang tiempo.
Nagsaka na sa P1.7B pesos ang kahalitan sang Bagyo Tino.
P1.31B ang kahalitan sa infrastructure.
Sa Agriculture kag livestock naman nagdangat ini sa P202.5 million.
Kahalitan sa Education ang yara naman sa P172.8 million.
Si Gatchalian ang nagsapol kanday Canlaon City Mayor Jose Chubasco Batchok Cardenas, kag district representatives Dino Yulo (5th District NegOcc), Jeffrey Ferrer (4th District NegOcc), kag Emmanuel Iway (1st District NegOr) para mag assess sang naga padayon nga relief nga kinahanglanon.
May 1.2 million food boxes na ang na distribute sa bilog nga pungsod suno sa iya sa duha ka semana kag 44,000 to 50,000 kag food boxes ang na allocate sa Negros Occidental.*