Halos P2 billion na ang kahalitan nga natuga sang bagyo Tino sa infrastructure, agriculture kag sa mga eskwelahan sa Negros Occidental.
Sa pinaka ulihi nga report nga gin-release sang Provincial Disaster Risk Reduction Management Council sang Negros Occidental, nagsaka na sa P1.5 billion ang kahalitan sa mga infrastructure kaangay sa mga taytay, dalan, school, government, health kag irrigiation facilities, slope protection kag iban pa.
Ang damage naman sa agriculture kag livestock ang yara sa P 303.1 million.
Kag ang damage ukon effect sa education yara naman sa P190.9 million.
P1.994 billion ang suma total sang kahalitan nga natuga sang bagyo Tino sa Negros Occidental.
19,862 naman ka mga balay ang totally damaged kag 180,823 naman ang partially damaged.*