Shadow

Kahalitan bangud sang hog deaths nagdangat sa P57.4M

Nagdangat sa masobra 4,700 ka mga baboy ang gin-report napatay sa Negros Occidental. Balor sang kahalitan ang gina bulubanta nag lab-ot sa masobra 57 million pesos.

Sa May 22 nga swine mortalities report sang  Provincial Veterinary Office, may onse ka mga banwa kag siudad ang apektado sang hog cholera kag iban pa gid nga sahi sang hog deaths.

4,754 ang gin-report napatay nga mga baboy sa sining onse ka mga lugar nga sa kabilugan may 73,253 ka estimated hog population. Ang fourth district ang labing apektado.

Ang banwa sang San Enrique ang may pinaka mataas nga reported hog deaths, 1,838.

Naga sunod naman ang Bago City  nga may 852 kag Valladolid nga may 843. 

Nalakip sa may mga report hog deaths ang banwa sang Manapla, Silay City, EB Magalona, Pulupandan, Pontevedra,  La Carlota City, Hinigaran kag Binalbagan.

Pero damlag pa gin siling ni Dr. Placeda Lemana, OIC-Provincial Veterinarian, nga nalakip sa  mortality report ang mga yadtong ginpang-ihaw na lamang kag emergency nga ginbaligya.

57,453,475 pesos naman ang estimated value sang kahalitan. Padayon ang disease surveillance sa mga baboy sa probinsya.

Sa pihak nga bahin, nag pa gwa sang memorandum order si Acting Governor Jeffrey Ferrer sa Provincial ASF Task Force, PNP, Coast Guard,  Department of Agriculture-Bureau of Animal Industry kag tanan nga concerned agencies nga naga patuman sang ban sang pagsulod sang buhi nga mga baboy, karne sang baboy kag mga related products gikan sa Negros Oriental agudto malikawan ang pag lapta sang African Swine Fever.

Ini kasunod sang kumpirmasyon sang ASF Case  sa Dauin, Negros Oriental.

Secured By miniOrangeSecured By miniOrange