Arestado ang 36 anyos nga si Rene Boy Deles matapos ini mag pangawat sang duha ka pack sang brief sa isa ka outlet sa Barangay Taloc sa Bago City.
Nakita sa akto ang pagpangawat sang 1200 pesos nga balor sang mga brief ni Deles gani sang nagpalagyo, ginlagas ini kag gin dala sa PNP.
Dakop man ang 20 anyos nga si Christian Carl Morte matapos naman gin sulod ang isa ka kalan-an kahapon sang kaagahon sa Barangay 5 sa San Carlos.
Ginkuha sang suspek ang isa ka delivery service device kag isa man ka credit card device. Narecover man sang kapulisan ang items.
Kaagahon sang kahapon naaresto sang kapulisan ang 21 anyos nga si Russel Amit matapos naman mangawat sang tatlo ka kaha sang soft drinks sa isa ka kalan-an sa Barangay 6 sa Silay.
Nakapalagyo naman ang iya pa tatlo ka upod. Magluwas sa soft drinks, narecover man ang cellphone kag dos mil nga cash nga ila nakuha. Detained na karon ang mga naaresto nga suspek.