May 60 tanan ka mga insidente sang sunog ang nagluntad base sa record sang Bacolod City Bureau of Fire Protection halin Enero tubtob Abril sini nga tuig.
Nagnubo ini sa 58 porsyiento kun ipaanggid sa 143 ka mga insidente sang sunog sang amo nga period sang nagligad nga tuig.
Nagapati si City Fire Marshall Fire Superintendent Jenny Mae Masip nga nangin dako nga bulig sa ila kampanya ang house-to-house awareness drive kag masupog nga fire inspection upod sa mabaskog nga suporta sang komunidad.
Halin sa masobra P26M nga halit sa propiedad sang nagligad nga tuig, naglab-ot sa masobra P5M na lamang ang halit nga natuga sang sunog sini nga tuig.
Pinaka madamo ang residential fire nga nagdangat sa 31, 11 ang non-residential fire, apat ang vehicular fire kag tatlo ang non-structural fires.