Pagtuhaw sang rice black bug sa Sibulan, Negros Oriental ang indi man maka alarma. Light trapping activity para matapna ini ang gin-schedule na.
Magamay lamang ang area sa Brgy Maslog, Sibulan ang na apektuhan sang rice black bug ukon RBB, pero maayo naman lang nga gilayon ini na monitor.
Ini suno kay Engr Jose Albert Barrogo, ang pamuno sang Department of Agriculture Negros Island Region nga nagpahayag nga nakapatuman na sang test sample sa napulo ka areas.
Apat lang man ka areas nga may yara sang RBB.
Magamay na ang tsansa nga mag lapta ini ukon mag lab-ot sa Negros Occidental dugang pa diri nga lain na ang direksyon sang hangin.
Ang RBB peste nga masami naga atake sa rice crops nga sarang makatuga sang kahalitan kun indi matapna. Pwede ini magsaylo upod sa hangin suno kay Barrogo.
Masami man naga tuhaw ang RBB suno kay Barrogo kun padulong na sa dry season.
Gin-schedule na ang light trapping activity tatlo ka adlaw antes kag pagkatapos sang Pebrero 2 nga full moon.
“Ka gamay, good thing at least na monitor na daan naton early. Ga lupad siya, with the help sang hangin. With the current sa dalagan sang hangin medyo slim ang iya pag lab-ot sa Negros Occidental. Ang iya population indi pa gid alarming”, suno kay Barrogo.*