Kadamuon sang negosyo ginapaabot nga mas magadamo sa 2025 sa pagsugod sang one-stop-shop business application sang siudad.
May 10 percent nga discount ang mga business applicants nga may full payment karon nga nagsugod na ang one stop shop business application sa Bacolod City Government Center.
Ginsiling ni Business Permits and Licensing Office head, Stela Rose Rayos mahimo nga magsaka pa ang kadamuon sang mga negosyo karon nga tuig.
Mas ginpadasig kag ginpahapos naman sang BPLO ang proseso para sa mga aplikante paagi sa online business application.
May masobra sa 24,000 ang mga business applicants sang nagligad nga 2024.
Magalawig ang one-stop shop sang Bacolod LGU upod sa mga government agency kag mga barangay asta sa Enero 20.
Ang mga business applicants ang sarang gihapon maka-transaction sa Government Service Express sa SM City Mall kag sa Bacolod Express Service Office sa Ayala Malls Capitol Central.