Sa record sang Bureau of Fire Protection – Bacolod, kun imkumparar sang Enero tubtob Marso sini nga 2025 sa amo man nga period sang 2024 , 160% ang gin nubo sa kadamuon sang insidente sang sunog sa Bacolod.
Sang 2024, naka-record ang BFP sang 109 ka mga fire incidents samtang sini nga tuig 42 lang.
Sini nga 2025 may 22 ka mga residential fire, isa ka storage, tatlo ka business/ government office, duha ka special structures, lima ka grass fire, kag lima man ka rubbish fire ang na record.
Suno kay Fire Officer 2 Paul Servano, spokesperson sang BFP Bacolod, electrical in nature ang masami nga rason sa mga sunog.
Gani ang BFP kag Negros Power ang naga buligay para mabutangan sang linya sang kuryente ang mga residente nga naga tap lang sa linya sang kuryente.
Subong nga natapos na ang Fire Prevention Month, indi mag-untat ang BFP sa pagkampanya kontra sunog.