Dengue cases sa Western Visayas ang nagdangat na sa 1800. Mas mataas man kun ipanggid sa 2023 nga datus.
Sa report sang DOH Western Visayas humalin Enero 1 tubtob Marso 23, 1,830 ang recorded dengue cases. Sa kasubong nga tion sang 2023, 1,742 cases lamang ang na record.
Humalin Marso 17 tubtob Marso 23 may 229 ka bag-o na report nga dengue cases.
Sa amo nga semana suno sa DOH, may pinaka madamo nga na report ang Iloilo Province – 78 new cases. Nagasunod ang Negros Occidental nga may 36 new cases kag Capiz province nga may 32 new cases.
Wala naman sang may nagdugang nga dengue deaths kag nagapabilin sa tatlo ang napatay bagnud sang dengue sa rehiyon.
May 26 naman ka mga barangay sa Western Visayas ang may clustering sang Dengue Cases.
Padayon ang panawagan sang DOH sang matinlo nga palibot para malikawan ang masakit nga dala sang lamok.
Samtang ang Bacolod City ang may 45 dengue cases as of March 23 kag zero deaths kag ang Negros Occidental naman may 250 dengue cases kag zero deaths.