Sa record sang Bacolod City Epidemiological Surveillance Unit may 39.1 percent ang ginsaka sang dengue cases sa bulan sang Abril kun ikumparar sa kasubong nga bulan sang nagligad nga tuig.
Sa 96 ka dengue cases, duha sa mga pasyente ang napatay.
May 69 ka kaso sang dengue nga na record sa Bacolod sang April 2021 kag duha man ang nagtaliwan.
Ang Barangay Singcang-Airport ang nagapanguna nga may napulo ka kaso sang dengue, may tag- siyam sa Estefania, Granada kag Mandalagan, may walo ka dengue cases nga na record sa barangay Mansilingan kag pito sa Alijis.
Lunsay may anum naman ka kaso sa Barangay Sum-Ag kag Tangub, lima sa barangay Banago kag apat sa Pahanocoy.
Samtang, nagnubo naman sa 46.2 percent ang leptospirosis cases sa Bacolod nga may pito ka kaso kag duha diri ang napatay.