Masobra sa 4,000 ka mga ginakabig informal settler families ginakahangaw-an mawad-an sang ilistaran sa ginaplano nga Bacolod Coastal Road project.
May napulo ka mga public land kalabanan diri yara sa mga coastal barangays.
Pero nagakabalaka diri ang katapo sang Kadamay – Negros bangud kalabanan sa mga luyag pa-tituluhan sang siudad ang gina-istaran sang masobra 4,000 ka mga pamilya kadam-an diri katapo sang informal settler families.
Gani panawagan nila nga kuntani maathagan sila sa plano sang siudad nga pag-construct sang Bacolod Coastal Road kag angut sa ginadihon nga Pabahay Program para sa mga apektado nga pamilya.
Sa press conference ginpabutyag sang katapo sang Kadamay kaupod sa katapo sang Kilusang Mayo Uno ang padayon nga intimidasyon kag gina-alegar pagpamahug batuk sa ila sang nagapakilala katapo sang NTF-ELCAC.
Pangabay nila kay Mayor Albee Benitez ang pagdayalogo kag ang pagduso sang pag-abolish sang NTF-ELCAC.
Gin-athag naman ni City legal officer Atty. Romeo Carlos Ting, Jr. nga wala sang kaangtanan ang alkalde sa operation sang NTF-ELCAC.
Nagapati si Ting nga dapat anay ma-survey kun bala maigo sang ginadihon nga construction sang coastal road ang mga ISF.