Lima ka igo sang bala ang naangkon sang lalaki nga gintiro sa Sitio Mag-anay Uno, Barangay Bi-ao sa banwa sang Binalbagan, mga las 7:30 sang aga, Lunes, Hunyo 8.
Ang biktima ginkilala kay alyas “Makoy”, 58-anyos, residente sang nasambit nga barangay. Naga-obra ang biktima bilang kabo sa kampo. Siya ang miyembro sang Lupon kag isa man ka pastor.
Nag-gwa sa imbestigasyon nga nagabantay sa mga nagapanghilamon sa kampo ang biktima sang may nagpalapit sang duha ka mga lalaki kag ang isa sa ila ang nagtiro sa iya.
Narekober sa crime scene ang tatlo ka fired bullet kag apat ka fired cartridge cases sang caliber .45.
Ginsiling ni Police Capt. Joelan Vinson, hepe sang Binalbagan PNP, nagapangita pa sila sang mga saksi nga makakilala sa mga suspek.*
[sibwp_form id=1]