Gindakup sang kapulisan ang 61-anyos nga lalaki matapos makuhaan sang pusil sa Sitio Cajel, Barangay Camalobalo, banwa sang Hinigaran, kahapon, Martes.
Ginsiling ni Lt. Col. Eduardo Corpuz, hepe sang Hinigaran PNP, naka-agi na priso ang suspek sa kaso nga robbery holdup.
Apang, nakabaton sang impormasyon ang kapulisan nga pagkatapos makagwa sa prisohan, masami na nga ginapahog sang suspek ang iya mga kabaranggay kag ginapakitaan pa sang pusil.
Sini gid lamang, may pila ka mga dalaga ang nag-report sa otoridad nga sila ang ginpakitaan pusil sang suspek.
Suno kay Corpuz, nagpatigayon sila sang surveillance kag sang ila nakumpirmar nga may pusil gid man ang suspek sa ila balay, nag-apply ang kapulisan sa korte sang search warrant.
Sang Martes, bitbit ang search warrant nagpadulong ang kapulisan sa puluy-an sang suspek.
Nakuha sa iya ang isa ka .45 caliber pistol, duha ka magazines kag 18 ka mga bala.
Nagahulat na lamang ang Hinigaran PNP sa dokumento gikan sa Regional Civil Security Unit antes ipasaka ang kaso nga illegal possession of firearm and ammunition batuk sa suspek.
Padayon pa ang pag-check sang kapulisan sa background sang suspek. Ginalantaw sang pulis ang anggulo nga may tawo nga naga-back up sa iya.
“It so happen lang na talagang naging malakas ang loob niya it’s because nga parang mayroon atang nagba-backup sa kanya – a military personnel or an ex-military personnel. Yun po ang isa sa mga tinitignan naming anggulo kasi kung pagbabasehan natin yung buhay niya, hindi naman ganun ka.. so how come this person possess a high-powered firearm na alam naman natin na medyo mabigat-bigat or kung bibilhin niya eh medyo mag-iisip siya, medyo may kamahalan din. So still ongoing pa rin ang ating ginagawang checking sa background niya at sa background din nung alleged na humahawak sa kanya”, suno kay Corpuz.