Inaugural session sang Sangguniang Panlungsod sang siudad sang Kabankalan ang ginpatigayon Biernes sang aga.
Sa speech ni Mayor Benjie Miranda, iya gin pangabay ang SP sang dugang nga budget para sa nabilin pa nga binulan sang tuig.
Una bahin sa health services, kuntani suno kay Miranda mahatag sang dugang nga pondo ang ospital para mahatagan sang libre nga bulong ang mga naga pakonsulta sa Kabankalan City Hospital.
Bahin sa suporta sa infrasturcture projects, mahatagan sang dugang nga pondo ang MOOE para mapaayo ang mga dalan sa kabukiran.
Sa agriculture support program naman, para mapahagan hagan ang epekto sang kamahal sang abono, iya nga hinyoon ang urc nga mahatag kag madul-ong sang sang libre ang mudpress sa mga mangunguma.
Pag pain sang pondo sa 2023 nga mga tinutuyo ang ginpanawagan man ni Miranda.
Suno naman kay Vice Mayor Miguel Zayco, pila sa mga tutukan sang SP amo ang information and communication technology, urban planning kag food security.
Tutukan man ang suporta nga mahatag sa mga mangunguma, bisan pa ang sa patag sang edukasyon, human resource development kag sports program.