Assessment kag recommendation sang City Agriculture Office sang siudad sang Kabankalan ang ginahulat angut sa kahalitan nga natuga sang El Nino Phenomenon.
Ini suno kay Kabankalan City Mayor Benjie Miranda nga nagsiling nga ang mga humayan nga nagkalahalitan ang yara sa nabukid nga mga barangay kag rainfed ukon wala sang irigasyon.
Depende sa mangin rekomendasyon sang City Agriculture Office ang assistance nga ihatag sang siudad. Lantawon man kun nagakaangay ang pagdeklarar sang state of calamity suno kay Miranda.
“Affected gid mga tanom, gina tan-aw ko pa ang assessment sang City Agriculture kag kun ano recommendation nila kag i-discuss namon ina kag akon obrahan sang Executive Endorsement didto Sangguniang para ma obrahan sang resolution”, suno kay Miranda.
13 ka mga barangay sa Kabankalan City ang nag report may apektado nga pananum bangud sang El Nino Phenomenon.
Nagdangat sa 22.8 million pesos ang balor sang kahalitan.
Sa bilog naman nga probinsya nagsaka sa 55.4 million pesos ang kahalitan sang El Nino Phenomenon.