Siudad sang Kabankalan ang may yara sang P1M nga napain nga pondo nga sarang magamit para assistance sa mga apektado nga mangunguma sang El Nino Phenomenon.
Wala labot sini may yara man sang napain nga pondo sa idalom sang DRRM budget nga naga balor sang 900,000 pesos para sa water pumps. Ini suno kay SP Committee on Agriculture Chairperson, Adolfo Mangao, Jr. Sa karon suno sa iya wala pa man sang may na submit sa SP nga request para sa bulig nga sarang ma release sa mga mangunguma. Sa report sang City Agriculture Office, 978 hectares sang humayan ang nahalitan kag 1,200 ka mga mangunguma ang apektado. Damlag pa ginsiling na sa pamuno sang City Agriculture sang Kabankalan nga ang kahalitan wala nakalab-ot sa threshold kun sa diin sarang maka deklarar sang State of Calamity. Suno kay Mangao ang kahalitan sang tuman nga kainit nabatyagan man sa mga kasapatan kag iban nga mga pananom ugaling wala man ini nadala sa report sang Agriculture Office.
18 percent sa total area nga gintamnan sang palay ang gin-report nahalitan sang tuman nga kainiton kag ini sila mga rainfed. Wala sang irrigated nga talamnan ang gin report nahalitan.
“Other than that wala na other budgets nga nakita ko nga pwede magamit directly for assistance sa farmers nga affected by the El Nino. Amo na sitwasyon subong. So, as far as the plans of the City Agriculture Office, wala kami discussion officially dira kun ano ang mga plano”, suno kay Mangao.