Kun wala man nadala sa Seal of Good Local Governance awardees ang Kabankalan City, wala nagakasayuran nga wala naga perform ang siudad.
Ini suno kay Kabankalan Mayor Benjie Miranda, kasunod sang pag gwa man sang paghaboy sang kritisismo sa iya nga panghimanwa. Sa 13 ka mga siudad sa Negros Occidental ang Kabankalan lamang ang wala nalakip sa listahan sang mga siudad nga nangin SGLG awardee.
Suno kay Miranda ang kulang lamang nila ang attendance sang mga pamatan-on sa mga programa. Iya ginpatpat ang mga awards nga nakuha sang Kabankalan kaangay sang Top 8 bilang most competitive component city sa Visayas, Rank 1 sa Most Improved City sa Western Visayas kag Rank 2 sa gina patuman nga innovation.
Dugang pa niya, indi man ma negar nga mismo sa mga department heads niya may yara sang indi niya kaalayado.
“Bay-e da sila. Damo man ta award gyapon. Actually ang SGLG isa lang ka papel ang kulang namon, documentation. Attendance lang sa program sang youth ang kulang namon”, suno kay Miranda.