Shadow

Kabankalan City mayor bukas makigdialogo sa SP

Bukas ang alkalde sang Kabankalan sa pagsugilanon sa katapo sang Sangguniang Panlungsod. Ini kasunod sang resolution nga gin pa gwa sang SP nga naga pautwas sang ila nga pagkadismaya bangud sang pag hire sang mga taga indi Kabankalan.

Suno kay Kabankalan Mayor Benjie Miranda, may mga 18 nga indi Kabankalanon nga na hire ang iya nga administrasyon. Pila diri katapo sang iya nga transition team.

Dugang pa niya, kun na hire man sila ini bangud sang mga skills nga yara sa ila kag kinahanglan sang siudad.

Ang mga na hire na assign sa nag kalain lain nga departamento. Pero klaro niya man madamo man sya sang mga taga Kabankalan mismo nga na hire, kag ini ang naga lakip sang mga nagserbe nga watcher niya sang piniliay.

Kuntani suno sa iya, na appreciate man sang SP ang iya lihok nga padayon niya gin pa trabaho sa siudad ang mga job order workers sang nagligad nga administrasyon. Sa ano man nga oras bukas siya sa dayalogo.

Sa interview sang Martes kay Vice Mayor Miguel Zayco iya ginsiling nga ang resolution pag pautwas sang ila nga sentimiento, labi na nga madamo man sa mga taga Kabankalan ang naga pangita sang trabaho.

Ila man ginakilala ang padayo nga pag hire sang mga job order workers sa nagligad nga administrasyon.

Secured By miniOrangeSecured By miniOrange