Siudad sang Kabankalan ang nag-report sang 22.8 million pesos nga kahalitan sa pananum dala sang El Nino Phenomenon. Nagdangat na sa masobra 55 million pesos sa karon ang kahalitan sa pananum sa probinsya.
Sa December to Febrruary 23 nga report sang Office of the Provincial Agriculturist, ang Kabankalan ang may pinaka daku nga ginreport kahalitan nga naga apekto sang 13 sini nga mga barangay kag 504 ka mga mangunguma. Ang apektado, 431 ka ektariya sang humayan. Nag report man sang kahalitan sa pananom ang Himamaylan City, Isabela, Binalbagan, Moises Padilla, Hinigaran, Cauayan, Hinoba-an, Sipalay kag Ilog.
Sa kabilugan 1,213 ka mga mangunguma ang apektado. On process ang documentation kag validation suno kay Provincial Administrator Rayfrando Diaz.