Siudad sang Kabankalan isa sa mga areas of concern karon sang Provincial Health Office.
Suno kay Dr Ernell Tumimbang ang Provincial Health Officer, Martes nag bisita ang PHO sa siudad kag gintakalay sa kay Mayor Benjie Miranda ang kaso sang dengue sa siudad. Sa datus sang PHO ika duha ang Kabankalan sa may pinaka madamo nga kaso sang dengue. As of July 9, naka record ini sang 186 ka dengue cases.
Nagapanguna ang siudad sang Himamaylan sa may pinaka madamo nga dengue cases – 196 kag may isa ka na record nga napatay. Suno kay Tumimbang ila nga nga gin-recommend sa alkalde nga mag porma sang dengue Task Force.
Padayon ang pagsaka sang dengue cases sa Negros Occidental, 2,036 na ang na record nga kaso humalin Enero.
Magluwas sa dengue gintalakay man sang PHO sa kay Mayor Miranda ang pag porma sang Emergency Operations Center para sa siudad. Suno kay Tumimbang, mataas sa gihapon ang wala nabakunahan.
Sa target sini, may 55,000 pa nga wala mabakunahan. Sa text message sa Digicast Negros, gin pahayag naman ni Mayor Miranda nga naka porma na siudad ang dengue task force kasubong man pag convene sang EOC.