Ginsiling ni Police Lt. Col. James Latayon Jr., hepe sang Bago PNP nga isa sa mga anggulo nga ila ginalantaw sa kamatayon sang isa ka babaye nga gintiro sa gwa sang Negros Occidental District Jail amo ang iligal nga droga.
Sang Sabado, Hunyo 6, nagbisita sa iya live-in partner sa NODJ nga yara sa Purok Province, Barangay Tabunan sa Bago City ang biktima nga si alyas “Lowela”, 41-anyos, taga Brgy. 2 sa Manapla.
Mga pasado las 4 sang hapon, bag-o lang gid nakagwa ang biktima upod ang iya duha ka mga abyan nga pareho taga Manapla kag sila ang nagsakay sa tricycle nga ila gin-rentahan.
Apang sang manughalin na sila, may isa ka persona nga nakasakay sa motorsiklo ang nagtiro sa biktima sa guya. Pareho nga naka-bonnet ang angkas kag driver sang motor.
Nakuha sa crime scene ang isa ka empty shell sang .45 pistol kag isa ka slug.
Suno sa hepe, napriso bangud sa kaso nga iligal nga droga ang partner sang biktima sang 2019 apang nakagwa sang 2021 matapos maka-avail sang plea bargaining agreement, kag liwat naman nga nadakpan sang 2025.
“Ang live-in partner niya is drug personality and may nadakpan man gali sang una nga ginatudlo siya (victim) man ang ginakuhanan before… So far subong is amo pa lang kay may mga threat man siya from other drug personality”, suno kay Latayon.*
[sibwp_form id=1]