Shadow

Junk shop gin inspeksyon matapos makabaton sang report ang siudad nga naga baton sila sang ginsunog nga saway

Isa ka junk shop sa may Circumferential Road sa Bacolod City ang gin inspeksyon sang nagkalain lain nga ahensya upod ang PNP sini nga aga matapos makabaton sang report nga naga baton sang gin sunog nga mga saway ang amo nga junk shop.

Suno sa tag-iya sang junk shop sang una naga baton pa sila ginsunog nga mga saway pero sumugod nga gin meeting sang mga otoridad nag untat na sila.

Gin ako man sang tag-iya nga may mga salakyan nga may karga nga ginsunog nga nga saway ang naga kadto sa ila pero gina indi-an na nila.

Suno kay secretary to the mayor Atty. Karol Joseph Chiu, gin isyuhan naman sang violation ticket ang junk shop kay wala naga santo ang ngalan sang iya junk shop sa iya nga permit.

Ang operation ang ginpatigayon may kaangtanan sa kampanya sang Benitez Administration kontra spaghetti wires nga naga lakip sang kinawatay sang kable.

Kahapon lang nagpagwa sang Executive Order number 15 si Mayor Albee Benitez nga naga pabakod pa gid sa anti fencing law.

Secured By miniOrangeSecured By miniOrange