Pamuno sang militar, PNP kag coast guard ang naglagda sang joint recommendation nga mag deklara sang probinsya nga yara sa stable internal peace and security (SIPS) status.
Suno kay Colonel Victor Llapitan ang deputy sang 303rd Brigade sang Philippine Army, ang joint recommendation sang Joint Peace and Security Coordinating Committee isa ka importante nga milestone sa pag lab-ot sang kalinong para sa Negros Occidental.
Suno sa iya ini ang tuga sang paghugpong kag pag isa sang mga lgus, sang AFP, PNP, PCG kag iban pa gid nga mga stakeholders for peace.
Dugang pa niya padayon sila nga mangin mabinantayon para mapasiguro ang peace and security sa mga komunidad sa probinsya.
Ang pag lagda gin patigayon sa Provincial Joint Peace and Security Coordinating Committee meeting sa Negros Occidental PNP Headquarters sadtong Marso 1.
Kalakip sa mga nagtambong sanday B/Gen Joey Escanillas pamuno sang 302nd Brigade, Colonel Llapitan, Police Colonel Rainerio De Chavez, Officer-In-Charge, Negros Occidental Police Provincial Office kag Commander Joe Luviz Mercurio, Commander, Coast Guard – Northern Negros.